Fjölbreytt og skemmtileg Vísindavaka í vændum

Allir háskólar landsins og fjölmörg fyrirtæki og stofnanir hafa skráð sig til þátttöku á Vísindavöku 2009 og er ljóst að viðfangsefnin, sem kynnt verða, munu verða afar fjölbreytt. Á Vísindavöku gefst tækifæri til að hitta vísindafólk og skoða hvað það er að fást við og er öllum vísindagreinum gert jafnhátt undir höfði. Vísindavakan verður haldin föstudaginn 25. september nk. í Listasafni Reykjavíkur Hafnarhúsinu, kl. 17-22. Rannís stendur fyrir Vísindavöku á Íslandi, en viðburðurinn er styrktur af 7. rannsóknaáætlun ESB. Hér er tengill í vefsíðu Vísindavökunnar.